Euskara Castellano

“Izena duen guztiak badu izana” dio atsotitzak. Gure izenetan, gure abizenetan, gure nortasuna ikusten dugu. Baina askotan, gehiegitan, euskarazko berezko abizenak erdarazko grafietan idatzita ikusten ditugu. Agerraldiak abizenak euskalduntzeko kanpaina abiatu du, “abizenak badu izana” lelopean eta euskaldunei beren abizenetan aldaketa emateko dei egiten die.

Abizenak berezko euskal grafiara itzultzea oso-oso erraza da. Hiru urrats besterik ez dituzu bete behar:

joan erregistro zibil edo bake epaitegira

Bizi zaren Erregistro Zibil edo Bake Epaitegira joan behar zara. Adin txikiko seme-alabarik baduzu, bi gurasoek joan beharko duzue sinatzera.

eraman agiri hauek:

Bizi zaren Erregistro Zibil edo Bake Epaitegira joan behar zara. Adin txikiko seme-alabarik baduzu, bi gurasoek joan beharko duzue sinatzera.

  • NAN originala eta haren fotokopia:
    • Adinez nagusia ez bazara gurasoen NANaren fotokopia.
    • Seme alaben NANaren fotokopia, 16 urtetik gorako seme-alabak badituzu.
  • Ez bazaude bizi zaren herri berean inskribatuta hitzez hitzeko jaiotza ziurtagiria.
  • Errolda-agiria. Adinez nagusia ez bazara, gurasoena ere bai.
  • Ezkonduta bazaude edota seme-alabarik baduzu familia-liburua eta haren fotokopia.

eskaera orria bete

Erregistro zibilak eskaera jasoko du, eta etxera bidaliko dizute hitzez hitzeko jaiotza-ziurtagiria eguneratuta abizena euskal grafiaz jarrita.

Kanpainaren helmena handitzeko zozketa bat abiatu dugu gure Instagram kontuan.

Helburua jende gehiagora iristea eta ahalik eta abizen gehien euskalduntzea da.

Zuk jada zure euskaldudu baduzu, zozketa honetan parte hartu dezakezu! Bertako produktuez osatutako saski bat zozketatuko dugu.

SASKI BELTZA:

Orburu bihotzak, Potxak, Kardua, Tomate frijitua, Zainzuri zuriak, Pikillo piperrak, Piper mamia, Melokotoia almibarrean, Melokotoi mermelada, Teilak, Oliba olio Birgin Estra, Ardo Beltza, Mahats Zukua

Maiz egindako galderak

Epailearen irizpidea da. Normalean Euskaltzaindiaren irizpidea jarraitzen da. Euskaltzaindiaren liburuan Muxika agertzen da baina zenbait kasutan (Muxika, Mujika…) forma desberdinak onartu izan dira. Hala ere, abizen-aldaketa gisa izapidetu daiteke aldaketa eta, kasu horretan, Erregistroen eta Notarioen Zuzendaritza Nagusiak erabakitzen du aldaketa onartuz edo ezetsiz.

18 urtez azpikoetan bai. 18 urtez gorakoetan, Erregistrora joan eta adierazi egin behar dute beraiek ere aldatu nahi dutela baina ez dute tramitazio guztia egin behar.

18 urtez azpikoek bai. 18 urtez gorakoetan bakoitzak erabakitzen du.

Epaitegiak, ofizioz, honako tokietara bidaltzen du: Udalera, Hauteskunde Zentsura, Poliziaren eta Guardia Zibilaren Zuzendaritza Nagusira… Hala ere, gero NANa berritzeko txanda hartu eta gero “hitzez hitzeko jaiotza agiria” eskatu behar da dagokion erregistro edo epaitegian. Eskaera egiterakoan NANa berritzeko dela esan behar da, epaitegiak horretarako bakarrik balio duen agiria eman ahal izateko.

Jaiotza, ezkontza eta seme-alaben jaiotza-agirietan aldaketa epaitegietan bertan bideratzen da, ofizioz, jaraunsletza edo herentzietan arazorik ez izateko. Gainontzeko kasuetan bakoitzak ikusi behar du. Berez, gomendagarria da ahal den toki eta agiri gehienetan aldaketa egitea.

Bai.

(...) Eskaera egiten den herrian jaiotakoa izanez gero, nahiko epe motzean izan daiteke. Beste nonbait jaioa izanda ere, normalean 3-4 hilabetean tramitatzen da.

Epailearen baitan geratzen da. Lehen esandako moduan, printzipioz, euskal abizenen kasuan, Euskaltzaindiaren “Deitura-izendegia” jarraitzen da. Bertan honakoa adierazten da: “Euskal deituratzat, edozein hizkuntz jatorritakoa izanda ere, Euskal Herrian sustraitu dena jo da, nahiz esku artean duzuen lehen liburuki honetan euskal jatorrikoak ez diren gehienak agertzen ez diren.” Zalantza kasuan, onena Euskaltzaindiari galdetzea da. Edozein kasutan, lehen esandakoa, epailearen baitan geratzen da erabakia.

Bai. Prozedura bera da eta kasu honetan ere Euskaltzaindiak finkatutako irizpideak jarraitzen dira.

Galderarik baduzu, jarri gurekin harremanetan!

Idatzi zure zalantzak e-posta honetara eta ahalik eta azkarren erantzungo dizugu.